Як абяцалася раней, мы будзем адказваць на пытанні, што вы задаяце. Вось, уласна кажучы, некаторыя адказы ўжо саспелі.

Шаноўнае спадарства!
Дзякуем вам за водгукі! Ваша неабыякавасць не дазваляе сумнявацца ў правільнасці рашэння працягваць здымаць праграму. Значыць, "Падарожжам" сапраўды быць! Безумоўна, нас цешаць станоўчыя водгукі, але і канструктыўная крытыка заўсёды вітаецца, як і вашыя прапановы.Задавайце і пытанні.Па меры мажлівасці мы будзем на іх адказваць. На самыя цікавыя нават у відэафармаце :) Ідэй шмат, будзем пакрысе іх рэалізоўваць. З вашым і нашым імпэтам несумнеўна скорым усе вяршыні!

Дзень добры, шаноўнае яснавяльможнае паньства!
Пасля некалькіх гадоў перапынку “Падарожжы дылетанта” ўрэшце вярнуліся! Зноў штотыдзень вас будзе чакаць новая цікавая вандроўка з шаноўным Юрыем Жыгамонтам у які-небудзь чароўны куточак нашай з вамі неабдымнай Бацькаўшыны.

Сачыце за навінамі, пакідайце каментары, задавайце пытанні, што вас хвалююць, бо без вас праграма немагчымая, вашая неабыякавасць - яе паветра! Мы вельмі цешымся чарговай сустрэчы з вамі, і вельмі спадзяёмся, што гэта ўзаемна.

Ну дык што? Вы гатовыя да падарожжа? Калі так, то смела цісніце на відэа ніжэй! І нашым першым прыпынкам у вандроўках па родных сцежках-дарожках стала вёсачка Тракелі Воранаўскага раёна Гродзенскай вобласці былога Вялікага княства Літоўскага, а цяпер - Рэспублікі Беларусь.